ملڪ بدر ڪيل پاڪستانين جا پاسپورٽ رد ڪرڻ جو فيصلو
مَي 24, 2025
اسلام آباد(ويب ڊيسڪ ) حڪومت پرڏيهه مان ڊي پورٽ ڪيل پاڪستانين جا پاسپورٽ منسوخ ڪرڻ ۽ انهن خلاف ڪيس داخل ڪرڻ جو فيصلو ڪيو آهي.
وفاقي گهرو وزير محسن نقوي جي صدارت هيٺ اجلاس ٿيو، جنهن ۾ پرڏيهه مان ڊي پورٽ ٿيل پاڪستانين جا پاسپورٽ منسوخ ڪرڻ ۽ انهن خلاف ڪيس داخل ڪرڻ جو فيصلو ڪيو ويو.
اجلاس ۾ پاسپورٽ قانونن کي وڌيڪ سخت ۽ بهتر بڻائڻ لاءِ گهرو سيڪريٽري جي سربراهي ۾ هڪ ڪميٽي جوڙي وئي آهي. وفاقي گهرو وزير محسن نقوي چيو ته ملڪ بدر ڪيل ماڻهن جا نالا به 5 سالن لاءِ پاسپورٽ ڪنٽرول لسٽ ۾ شامل ڪيا ويندا.
هن وڌيڪ چيو ته جيڪي ملڪ بدر ڪيا ويا آهن اهي پاڪستان لاءِ بين الاقوامي شرمندگي جو سبب بڻجي رهيا آهن ۽ انهن سان ڪا به رعايت نه ڪئي ويندي.
