ميرپورخاص: مدرسي جي شاگرد کي مبينا اغوا بعد باهه ڏني وئي

ميرپور خاص (رپورٽر) ميرپورخاص ۾ مدرسي جي شاگرد کي مبينا اغوا بعد باهه ڏيڻ جو واقعو پيش آيو آهي، ٻارڙو ڳڻتيءَ جوڳي حالت ۾ حيدرآباد ريفر ڪيو ويو
مدرسي جي انتظاميا جو چوڻ آهي ته صبح 8 وڳي بلال کي مدرسي ٻاهران اڻڄاتل ماڻهو سڏ ڪري کڻي ويا هئا، زخمي ٻارڙو بلال مڪراڻي جهلوري واسي آهي جيڪو اسان جو شاگرد آهي
ايس ايچ او ذيشان لاشاري جو چوڻ آهي ته سيٽلائيٽ ٽائون ٿاڻي جي حد ۾ پيٽرول اڇلائي ٻارڙي کي باهه ڏني وئي آهي
ان بابت جاچ هلي پئي ته ٻارڙي سان ٿيل واقعي جو ڪارڻ ڪهڙو آهي، مدرسي کان ٿورو اڳتي هڪ پراڻي جاءِ تي باهه لڳڻ جون نشانيون مليون آهن
ايس ايچ او چيو ته مدرسي جي سي سي ٽي وي فوٽيج حاصل ڪيون آهن، وقت کان اڳ ڪجهه نه ٿو چئي سگهجي، جاچ ڪري رهيا آهيون