| ميرپورخاص ۾ بدفعلي الزام ۾گرفتار مولوي جو رمانڊ منظور |
حسين بخش مري (ن پ ا) ميرپورخاص ۾ مبينا طور ٻار سان بدفعلي ڪرڻ جي الزام ۾ پوليس پاران گرفتار ڪيل مولوي هاشم سڪندري کي پوليس لاڳاپيل عدالت ۾ پيش ڪري سندس ٻن ڏينهن جو رمانڊ حاصل ڪري ورتو. الزام هيٺ آيل مولوي ۽ ٻار جي ڊي اين اي جي ٽيسٽ لاء سول اسپتال ميرپورخاص منتقل ڪري جزا حاصل ڪرايا ويا. عدالت ٻاهران الزام هيٺ آيل مولوي ھاشم صحافين سان ڳالهائيندي چيو ته منهنجي مٿان ڪوڙو الزام آهي ڊي اين اي ٽيسٽ بعد حقيقت سامهون اچي ويندي ھن وڌيڪ چيو ته منهنجي خلاف سازش ڪندڙن جي چرچ تي پوليس مون مٿان سخت تشدد ڪيو آهي مون تي ڪوڙو الزام هڻي مون کي بدنام ڪيو آهي الله پاڪ انهن کان حساب وٺندو ھن ايس ايس پي ميرپورخاص ڊي آئي جي ميرپورخاص سميت وس وارن کي اپيل ڪئي آهي ته معاملي جو نوٽيس وٺي صاف شفاف انڪوائري ڪري مونسان انصاف ڪيو وڃي