ميرپورماٿيلو ۾ عورت جو ايس ايڇ او تي فحش حرڪتون ڪرڻ جو الزام

ميرپورماٿيلو(رپورٽ: برڪت ميراڻي) ميرپورماٿيلو جي رهواسڻ عورت ايس ايڇ او  مٿان فحش حرڪتون ڪرڻ جا الزام مڙهيا آهن

ڳوٺ دوست محمد حيدراڻي جي رهواسڻ صائمه حيدراڻي صحافين وٽ دانهيندي چيو آهي ته منهنجي ڏير کان ڦر ٿي جنهن جي دانهن کڻي ايس ايس پي گهوٽڪي جي آفيس پهتس جتي ايس ايڇ او اهڙي حرڪت ڪئي

هن الزام هنيو ته ايس ايڇ او چيو ته منهنجي آفيس ۾ اڪيلو اچو جيترا پئسا کپن اهي اوهان کي ڏيندس، آئون پئسن خاطر عزت جو سودو نٿي ڪري سگهان مونسان انصاف ڪيو وڃي

ٻئي طرف پنهنجي اخبار پاران ايس ايڇ او سان رابطي ڪرڻ جي ڪوشش ڪئي وئي پر هن مصروفيت جو سبب ڄاڻائي بعد ۾ پاڻ رابطي ڪرڻ جو چيو