ميهڙ: سپريو بند جا گهارا بند نه ٿيا، برسات جي امڪان سبب خوف
مَي 15, 2023
ميھڙ(ن پ ا) ميهڙ ويجهو 2022ع ۾ آخري ڊفينس لائين سپريو بند کي ٻوڏ دوران لڳل گھارا 9 مھينا گذرڻ باوجود بند نه ٿي سگھيا برسات ۽ بلوچستان کان ايندڙ پاڻي جا ٻيھر تباھي آڻڻ جو خدشو وڌي ويوسپريو بند کي ميھڙ واري علائقي ۾ ٽن ھنڌن تي لڳل گھارن کي سرڪار ھن وقت تائين مڪمل بند ناھي ڪري سگھي هڪ گهاري کي بند ڪرڻ لاءِ به سست رفتاري جو مظاهرو ڪيو پيو وڃي سپريو بند کي لڳل گھارن سبب ميھڙ ۽ ڪي اين شاه تعلقن ۾ وڏي تباھي اچڻ باوجود سوين ڳوٺن ۽ شهرن کي بچائڻ لاءِ ڪا به رٿابندي ناهي ڪري سگهي علائقي واسين توڙي سياسي ۽ سماجي اڳواڻن نياز علي ٻرڙو ،ڊاڪٽر برڪت جتوئي، شيرزادو جتوئي ، غلام مصطفي جتوئي، سرمد بروھي ۽ ٻين ٽائيم نيوز سان ڳالھائيندي چيو آھي ته بندن جي مرمت لاء پئسن جي جانچ ڪري سپريو بند کي لڳل گھارا بند ڪري بند جي مرمت ڪئي وڃي ته جيئن ٻيهر ڪنهن نقصان کان بچي سگهجي
