مٺي ۾حادثو،پورهيت چيڀاٽجي فوت

مٺي )پنهنجي ڊيسڪ )مٺي باءِ پاس تي ڪنڊي اسٽاپ وٽ تيز رفتار ٽرالر موٽر سائيڪل سوارن مٿان چڙهي ويو، جنهن دوران هڪ ڄڻو چيڀاٽجي فوت،  نينگر سخت زخمي  ٿي پيو، ٽرالر جي ٽڪر ۾ هوٽل تي صفائي جو ڪم ڪندڙ موٽرسائيڪل سوار پورهيت راجو گجراتي چيڀاٽجي فوت ٿي ويو،حادثي ۾ 15 ورهين جو راجوير سخت زخمي ٿي پيو،پورهيت جو لاش ٽرالر هيٺان پيل آهي، آخري اطلاعن تائين اطلاع باوجود پوليس واقعي واري  هنڌ نه پهتي، رهواسين جو چوڻ آهي ته ٿرڪول ڏانهن ايندڙ ويندڙ تيز رفتار ٽرالرن جي ٽڪر ۾ ڪيترائي ماڻهو حياتيون وڃائي چڪا آهن، فوري طور تي نوٽيس ورتو وڃي.