مٽياريءَ جو اسڪول مال جي واڙي ۽ گڏهن جي تنبيلي ۾تبديل: ايئن پڙهندي سنڌ؟

مٽياري(رپورٽر)  ضلعي مٽياري جي يونين ڪائونسل جئندل ڪوٽ جي ڳوٺ شهمير وسير ۾ ٺهيل اسڪول جي بلڊنگ مينهن جي واڙي ۽ گڏهن جي تنبيلي ۾ تبديل  ٿي وئي آهي، ايجوڪيشن ورڪس کاتي پاران ٺاهيل بلڊنگ تعليم کاتي جي حوالي نه ٿيڻ سبب ڳوٺاڻن اسڪول ۾ مينھيون ٻڌي واڙو قائم ڪري ورتو آهي، جڏهن ته اسڪول جي ڪلاس رومن ۾ گڏهه ٻڌي تنبيلو بڻايو ويو آهي، هوڏانهن ذريعن جو چوڻ آهي ته اسڪول جي بلڊنگ ٺهندي 10 سال گذري ويا آهن، پر ايجوڪيشن ورڪس کاتي پاران اها بلڊنگ جيڪا لکين روپين جي لاڳت سان تيار ٿي اها اڃا تائين تعليم کاتي کي حوالي ناهي ٿي سگهي، جنهن ڪارڻ اسڪول کي لڳل گيٽ، ٻيو قيمتي سامان به نامعلوم ماڻهو ڪڍي ويا آهن، ڳوٺاڻن مطالبو ڪيو آهي ته فوري طور سرڪار اسڪول ۾ قائم ٿيل واڙو ۽ تنبيلو ختم ڪرائي اسڪول کولائي ڏي، ته جئين اسان ٻارڙا پري اسڪولن ۾ تعليم حاصل ڪرڻ وڃن ٿا جيڪي هتي ئي تعليم پرائي سگهن..