نئين دمبالي لڳ سامي برادري جي نينگري اغوا، وارثن جو احتجاج

نئون دمبالو (ن پ ا) نئون دمبالو ويجهو آرئين ڳوٺ ۾ احمداڻي برادري جي هٿياربندن سامي برادري جي14سالا نوجوان ناري کي اغوا ڪري فرار ڪيس داخل وارثن جو احتجاج تفصيل موجب نئون دمبالو ويجهو آرائين ڳوٺ ۾ معشوق احمداڻي ۽ سندس چار ساٿي رات جو دير سان هٿيارن جي زور تي سامي برادري جي نوجوان ناري 14سالا نوري سامي کي اغوا ڪري فرار ٿي ويا،  جنهن خلاف اهڙو ڪيس ٽنڊوغلام علي ٿاڻي تي داخل پڻ ڪيو ويو آھي. جڏهن ته سندس وارثن روشن سامي گنگا مائي ۽ وسائي سامي احتجاج ڪندي ٻڌايو ته اسان سُتا پيا هئا سين ته رات جو دير سان معشوق احمداڻي آصف احمداڻي قربان احمداڻي ۽ محبوب احمداڻي  هٿيارن جي زور تي اسان جي نوجوان ناري کي اغوا ڪري ويا آھن هنن آئي جي سنڌ ايس ايس پي بدين کان مطالبو ڪيو آھي ته جوابدارن خلاف ڪاروائي ڪري انصاف فراهم ڪيو وڃي، جڏھن ته علائقي ۾ چوٻول ھلي رھيا آھن ته ناري پنھنجي رضا خوشي سان گھران نڪري وئي آھي.