نابين نوجوان استاد ٿي ويو: آرڊر ملڻ باوجود هيڊ ماستر جوائننگ لاءِ رلائيندو رهيو

ميرپورخاص(بيورو رپورٽ) ميرپور خاص ۾ آءِ بي اي ٽيسٽ پاس استاد کي نابين هئڻ جي بنياد تي هفتي تائين جوائننگ نه ڏني وئي، اسڪول جو هيڊ ماستر کيس رلائيندو رهيو

ميرپورخاص واسي نوجوان فراز حسين جٽ آءِ بي اي جي ٽيسٽ پاس ڪئي جنهن بعد کيس آفر آرڊر به ڏنو ويو پر اسڪول جي هيڊماستر  نابين هجڻ جو سبب ڄاڻائي کيس جواننگ ڏيڻ کان جواب ڏئي ڇڏيو

بينائي کان محروم استاد فراز حسين جٽ جوائننگ نه ملڻ تي احتجاج ڪيو جنهن بعد کيس شاهه ولي الله هاءِ اسڪول ۾ جوائننگ ڏني وئي

فراز حسين جٽ چيو ته پنجاب ۾ نابين استاد عدالتي حڪم تحت سرڪاري اسڪولن ۾ پڙهائي رهيا آهن، مون کي جوائننگ ڏيڻ لاءِ هفتي تائين رلايو ويو

 اسڪول جي اسسٽنٽ هيڊ ماسٽر محمد اسماعيل نهڙيو جو چوڻ آهي ته هڪ نابين استاد ٻارن کي ڪيئن پڙهائيندو؟ فراز حسين کي ڪنهن خالي اسڪول ۾ مقرر ڪيو وڃي ها ته بهتر هو، بالا آفيسرن جي حڪم تي نابين استاد کي مجبوري ۾ جوائننگ ڏني اٿئون