سنڌ جي ليجنڊ نامياري اداڪارا شبيران ڪراچي ۾ مٽي ماءُ حوالي

ڪراچي(استاف رپورٽر) سنڌ جي ليجنڊ اداڪارا شبيران چنا کي ڪراچي ۾ مٽي ماءُ حوالي ڪيو ويو. ڪراچي جي اسپتال ۾ لاڏاڻو ڪري ويل اداڪارا جي گلستان جوهر ۾ جنازي نماز ادا ڪئي وئي، منان عباسي، اسد قريشي، سهراب سومرو، علي گل ملاح ۽ ٻين فنڪارن توڙي شهرين جي وڏي انگ شرڪت ڪئي، شبيران چنا جو مڙهه ڪورنگي جي بلال ڪالوني جي قبرستان  ۾ مٽيءَ ماءُ حوالي ڪيو ويو، شبيران چنا قاضي احمد ويجهو روڊ حادثي ۾ زخمي ٿيڻ بعد ڪراچيءَ جي اسپتال ۾ علاج هيٺ هئي، شبيران چنا جنهن به ڊرامي ۾ ڪم ڪيو ان کي يادگار بڻائي ڇڏيو، خيران جي سر ڏي خير هجي سميت سندس ڪيترائي ڊائلاگ ماڻهن کي برزبان ياد ٿي ويا، شبيران چنا ٽائيم نيوز جي ڪاميڊي سيريل “سمجهي ته ويا هوندئو” ۾ به مستانيءَ جو يادگار ڪردار ادا ڪيو، سندس وڇوڙي تي ڪلا کيتر توڙي سندس مداحن ۾ سوڳ جي لهر پکڙيل آهي