| نوابشاهه لڳ 2 ڪارون ٽڪرائجي ويون: ٻانڌي واسي ڀاءُ ڀيڻ سميت 3 فوت: 2 ٻارڙا زخمي |
ٻانڌي/نوابشاهه(نمائندن وٽان) نوابشاهه لڳ 2 ڪارون ٽڪرائجي ويون: ٻانڌي واسي ڀاءُ ڀيڻ سميت 3ڄڻا فوت، 2معصوم ٻارڙا سخت زخمي، ان ڏس ۾ نوابشاھه لڳ پڪي چودڳي وٽ ٻن ڪارون آمهون سامهون ٽڪرائجي ويون، جنھن جي نتيجي ۾ 50 ورھين جو طاھر آرائين، 30ورھين جو ڪاشف آرائين ۽ سندس ڀيڻ انعم زال محمود آرائين ٿڏي تي فوت ٿي ويا، جڏھن ته فوتڻ انعم جا2 ٻارڙا محمد آرائين ۽ ازلان آرائين زخمي ٿي پيا، ريسڪيو عملي فوتين جا لاش۽ زخمي ٻارڙن کي پي ايم سي اسپتال منتقل ڪيو ويو، حادثي جي اطلاع تي ٻانڌي شھر ۾ سوڳ ڇانئجي ويو، ٻڌايو پيو وڃي روڊ حادثي ۾ فوت ٿيل ٻانڌي کان نوابشاھ وڃي رھيا ھئا ته روڊ حادثي جو شڪار ٿي ويا، پوليس هڪ ڪار ڊرائيور کي راست ۾ ورتو هو، هوڏانهن حادثي ۾ فوت ٿيل طاھر آرائين جي تدفين ٻانڌي جي مقامي قبرستان ۾ ڪئي، جڏھن ته فوتي ڀاءَ ڀيڻ ڪاشف آرائين ۽ انعم آرائين جي تدفين نوابشاھ جي علائقي گوليمار ۾ ڪئي وئي