نواز شريف وطن واپسيءَ کانپوءِ پھريون ڀيرو اڄ بلوچستان جو دورو ڪندو

نوازشريف جي اڄ بلوچستان جي دوري دوران بي اي پي سميت صوبي جا هڪ درجن کان وڌيڪ سينيئر اڳواڻ نون ليگ ۾ شموليت جو اعلان ڪندا

نواز شريف وطن واپسيءَ کانپوءِ پهريون ڀيرو اڄ بلوچستان جو دورو ڪندو، نواز شريف پنهنجي ڌيءَ مريم نواز، پارٽي صدر شهباز شريف ۽ ٻين اڳواڻن سان گڏ اڄ ڪوئيٽا پهچندو

نون ليگ جي ترجمان مريم اورنگزيب چيو آهي ته نوازشريف صوبي جي اهم سياسي اڳواڻن سان ملاقات ڪندو، نوازشريف جي دوري دوران بلوچستان جون اهم سياسي شخصيتون نون ليگ ۾ شموليت جو اعلان ڪنديون

ذريعن موجب نواب چنگيز مري، سردار عبدالرحمان کيتران، محمد خان طور ۽ محمد خان لهڙي نون ليگ ۾ شموليت جو باضابطا اعلان ڪندا، عبدالڪريم نوشيرواني، نور محمد دمڙ، عبدالغفور لهڙي، سردار مسعود لوڻي، ڊاڪٽر ربابه بليدي، مجيب الرحمان، سردار سحر گل خلجي ۽ ٻيا اڳواڻ به نون ليگ ۾ شموليت جو اعلان ڪندا