نوري آباد ويجهو عورت جو لاش هٿ، حيدرآباد واسڻ طور سڃاڻپ

نوري آباد (رپورٽر) نوري آباد ويجهو هڪ عورت جو لاش هٿ آيو آهي جنهن جي سڃاڻپ حيدرآباد واسڻ طور ڪئي وئي آهي، واقعي جي وڌيڪ جاچ جاري آهي

نوري آباد  ويجهو سدا بهار هوٽل  لڳ  عورت جو تشدد ٿيل لاش مليو، اهڙي اطلاع تي نوري آباد پوليس پهتي ۽ ايڌي رضاڪارن ذريعي ٿاڻي کڻائي آندو

عورت جي  سڃاڻپ ياسمين مڙس محمد قاسم طور ڪئي  وئي آهي، عورت ريشم گلي محلا حيدرآباد جي رهواسڻ ٻڌائي پئي وڃي

پوليس پاران وارثن سان رابطو ڪرڻ جي ڪوشش ڪئي پئي وڃي، واضح رهي ته ان کان اڳ به نوري آباد ويجهو ڪيترائي لاش ملي چڪا آهن

ڪجهه سال اڳ پسند جو پرڻو ڪندڙ سنڌ يونيورسٽي جي شاگردياڻي ماجده جو لاش به نوري آباد ويجهو ڳوٺ غلام جکرو وٽان مليو هو

ماجده کي پنهنجي مڙس مٿي ۾ پٿر هڻي قتل ڪيو هو ۽ لاش اتي اڇلائي ڇڏيو هو، ماجده جو مڙس هن وقت جيل ۾ آهي، ماجده سنڌ يونيورسٽي انسٽيٽيوٽ آف آرٽ اينڊ ڊزائن جي آخري سال جي شاگردياڻي هئي