نور زمان چيف آف دي ايئر اسٽاف انٽرنيشنل اسڪواش چيمپئن شپ کٽي ورتي

اسلام آباد(اسپورٽس نيوز) پاڪستان جي نور زمان هڪ دلچسپ مقابلي کانپوءِ چيف آف دي ايئر اسٽاف انٽرنيشنل اسڪواش چيمپيئن شپ کٽي ورتي.اسلام آباد جي مصحف اسڪواش ڪمپليڪس ۾ 37,000 ڊالر جي انعامي رقم سان چيمپيئن شپ جي فائنل ۾ 2 سيڊڊ ۽ ورلڊ انڊر 23 چيمپيئن نور زمان سيڊڊ 10 حمزه خان کي 2-3 تان شڪست ڏئي ٽائيٽل کٽيو.رپورٽن مطابق، حمزه خان پهرين گيم 9-11 ۽ ٻي گيم 7-11 تان کٽي، پر ورلڊ نمبر 42 نور زمان راند ۾ واپس ڪئي ۽ ايندڙ ٽي رانديون کٽي ٽائيٽل پنهنجي نالي ڪيو.اڳوڻي ورلڊ چيمپيئن قمر زمان جي پوٽي نور زمان ٽئين گيم 7-11، چوٿين گيم 4-11 ۽ پنجين فيصلي واري گيم 8-11 تان کٽي ٽرافي کٽي ورتي.