نون ليگ لاهور جي اقبال پارڪ ۾ جلسي جو پنڊال سجائي ورتو

لاهور(پنهنجي ڊيسڪ) نواز شريف جي وطن واپسيءَ جي موقعي تي نون ليگ لاهور جي اقبال پارڪ ۾ جلسي جو پنڊال سجائي ورتو آهي

ن ليگ قائد سميت سموري پارٽي قيادت جلسي گاهه ۾ موجود آهي مريم نواز ڪارڪنن جي نعريبازي جو هٿ لوڏي جواب ڏنو، مريم نواز جاتي امراء ۾ والده ۽ ٻين جي مزارن تي حاضري بعد جلسي ۾ پهتي

 مريم نواز چيو آهي ته منهنجي زندگيءَ جو اڄ شايد سڀ کان وڏو ڏينهن آهي، نوازشريف جيڪي عروج ڏٺا اهي شايد ڪنهن جي به حصي ۾ نه آيا هوندا، پاڪستان اڄ نواز شريف جو هڪ ٻيو عروج ڏسڻ پيو وڃي

نواز شريف جي استقبال لاءِ سنڌ سميت ملڪ جي ڪنڊڪڙڇ مان نڪتل قافلا لاهور پهچڻ شروع ٿي ويا، پارٽي جي گيتن تي جهمريون، عورتن جو جوش ۽ جذبو به ڏسڻ وٽان هو