| نياڻي پڙھيل ھوندي ته گھر ۽ اولاد جي سٺي سنڀال ڪندي: پير پاڳارو |
خانپورمهر/ٺڪراٺو (نمائندن وٽان) حرن جو روحاني پيشوا پير پاڳارو خانپورمهر ويجهو شاهپورمهر ڀرسان تڙ اصو بنگلي تي ساهڙ فقير جي دعوت تي پهتو، جتي هن رات گذاري، پير پاڳاري جو روحاني ديدار ڪرڻ توڙي روحاني خطاب ٻڌڻ لاء تڙ اصو بنگلي تي سنڌ، پنجاب سميت ملڪ جي مختلف ضلعن سان تعلق رکندڙ حر جماعت جي مريدن ۽ عقيدتمندن هزارن جي تعداد ۾ شرڪت ڪئي، ان موقعي تي پير پاڳاري مريدن کي روحاني ديدار ڪرايو . پير پاڳاري خطاب ڪندي چيو ته پنھنجي ٻارن کي تعليم ڏيو خاص ڪري نياڻيون پڙھايو نياڻي پڙھيل ھوندي ته گھر ۽ اولاد جي سٺي نموني سنڀال ڪندي، پنھنجي نوجوان ڇوڪرن کي بري صحبت کان بچايو بري صحبت وارو ماڻھون پنھنجي ماء پي توڙي اوڙي پاڙي لاء به آزار آھي، موسم جي تبديلين سبب زراعت ڪو خاص فائدو نٿي ڏئي ان لاء وڌ کان وڌ چايو مال ڌاريو جنھن ۾ فائدو آھي، ڪافي شڪايتون مليون در گذر ڪندو رھيس نيٺ مجبور ٿي ڪجھ فيصلا ڪرڻان پيا آئون ته فيصلا ناھيان ڪندو پر جيڪڏهن ڪندو آهيان ته دير سان ۽ سوچي سمجھي ڪندو آھيان، منھنجا ٿيل فيصلا تبديل نه ٿيندا خليفن کي چوان ٿو ته غريب ماڻھن کي انصاف ۽ عزت ڏيو، اڳ ۾ فيصلا رڳو درگاھ شريف جي فيصلا ڪميٽي ۾ ٿيندا ھئا پر ڪو ماڻھون غريب آھي اتي نٿو پھچي سگھي ان لاء خليفن کي حڪم ڏنو آھي ته ھر ضلعي ۽ ڳوٺ ۾ وڃي اتان جي مک جي اوطاق تي وڃي فيصلا ڪري ماڻھن کي انصاف ڏيو، ملڪ ۽ پاڪ فوج لاء دعا گهرندا ڪيو، ڇاڪاڻ ته فوج جي ڪري پاڪستان اڃا تائين سلامت آهي، غمي هجي خوشي هجي اسان کي فوج جو ساٿ ناهي ڇڏڻو، خدا تعالي اوھان کي ھميشه خوش رکي، آخر ۾ پير پاڳاري ملڪي سلامتي ۽ جماعت لا دعا پڻ ڪئي، پير پاڳارو خطاب بعد پنهنجي روحاني سفر تي روانو ٿي ويو.