نيوزيلينڊ جو ٻيو ٽيسٽ کٽڻ لاءِ ويسٽ انڊيز کي 463 رنسن جو هدف

مائونٽ مونگنوئي (اسپورٽس نيوز) ويسٽ انڊيز ۽ نيوزيلينڊ جي ٽين ٽيسٽ ميچ ۾ رنسن جا جبل ٺهي ويا. ڪيويز ڪيريبين ٽيم کي کٽڻ لاءِ 462 رنسن جو ٽارگيٽ ڏئي ڇڏيو. ٽئين ڏينهن تي ويسٽ انڊيز 381 رنسون 6 رانديگر آئوٽ کان اننگ شروع ڪئي ۽ سموري ٽيم پهرين اننگ ۾ 420 رنسون ٺاهي آئوٽ ٿي وئي. اينڊرسن فلپ 17، شاءِ هوپ 4، سيلز 15 ڪيمر روچ 0 تي آئوٽ ٿيا. ڪيويم هوج 123 رنسون ٺاهي ناٽ آئوٽ رهيو. جيڪب ڊفي 4، اعجاز پٽيل 3، مائيڪل راءِ 2 ۽ ڊيرل مچل هڪ وڪيٽ ورتي. نيوزيلينڊ ٻي اننگ جارحاڻي انداز ۾ شروع ڪئي ۽ 54 اوورن ۾ 306 رنسون ٻه رانديگر آئوٽ تي اننگ ڊڪليئر ڪئي. ٽام ليٿم 101، ڊيوون ڪانوي 100 رنسون ٺاهي آئوٽ ٿيا. ڪين وليمسن 40 ۽ رچن روندرا 46 رنسن تي ناٽ آئوٽ رهيا. ٻئي وڪيٽون ڪيويم هوج ورتيون. راند ختم ٿيڻ تي ويسٽ انڊيز جا جان ڪيمبل 2 ۽ برينڊن ڪنگ 37 رنسن تي ناٽ آئوٽ هئا. ويسٽ انڊيز کي کٽڻ لاءِ 419 ۽ ڪيويز کي 10 وڪيٽن جي ضرورت آهي.