نيوسعيد آباد مان اغوا ڄاڻايل نينگريون آزاد، نوجوان تي سنگين الزام

نيو سعيد آباد (رپورٽر) نيوسعيد آباد مان اغوا ڄاڻايل 2نينگريون آزاد ٿي پهچي ويون، نوجوان تي سنگين الزام هنيا آهن

نينگرين ٻڌايو ته اسان کي پيار جي دوکي ۾ سني حاجاڻو ورغلائي وٺي ويو، اسان بس ۾ چڙھي حيدرآباد پھتاسين جتي رھائش لاءِ جاءِ نه ملي ت ڪراچي وياسين

ڪراچي ۾ به جاءِ نه ملي جنھن بعد ھن اسان کي واپس بس ۾ ويھاري چيو ته گھر واپس وڃو جتان پوليس اسان کي ٿاڻي تي وٺي آئي آهي

ڊي ايس پي نيوسعيدآباد ٻڌايو ته اسان جوابدار ڌر تي وڏو دٻاءُ وڌو ۽ ڪيتريون ئي گرفتاريون ڪيون جنھن بعد جوابدار نينگرين کي ڇڏي فرار ٿي ويو ۽ اسان انھن کي بس مان لاھي وٺي آيا آھيون

نيوسعيدآباد جي وارڊ 3 جي رھواسي پاڙيسري 12 ورهين جي ڪرن ڌي عبدالمجيد راجپوت ۽ 9 ورهين جي مريم ڌي افضل راجپوت گذريل ڏينھن پراسرار نموني گم ٿي ويون هيون

نيوسعيدآباد ٿاڻي تي نينگرين جي وارثن سني پٽ مجنون حاجاڻو تي اغوا جي رپورٽ داخل ڪرائي جنهن بعد پوليس نوجوان سني جي پيءُ مجنون حاجاڻو کي گرفتار ڪيو هو