هڪ لک ڏهه هزار ڪوريئڙن جو گھر: دنيا جو وڏو ڄارو هٿ

يونان(انٽريسٽنگ نيوز) ماهرن سڀ کان وڏو ڪوريئڙي جو ڄارو هٿ ڪري ورتو آهي، جيڪو ڏهه هزار ڪوريئڙن جو گھر آهي. اهو ڄارو هڪ غار جي اونهائي ۾ ڪوريئڙن جي تمام وڏي شھر جيان پکڙيل آهي. ان کي البانيا ۽ يونان جي سرحد تي واقع هڪ سلفر غار ۾ لڌو ويو آهي. ماهرن اندازو هنيو آهي ته اهو ڄارو 106 چورس ميٽر ايراضي تي پکڙيل آهي. اهو منفرد انداز جو ڄارو ڪوريئڙن جي ٻن قسمن جو گھر آهي ۽ ڏسڻ ۾ اهو هالي ووڊ فلم لارڊ آف دي رنگز ۾ ڏيکاري ڪوريئڙي جي ڄاري جيان آهي. رومانيا جي ٽرانسلونيا يونيورسٽي جي ماهرن ان کي دريافت ڪيو آهي. انهن ٻڌايو ته اسان جي دنيا ۾ هاڻي به اسان جي لاءِ ڪيتريون ئي حيران ڪندڙ شيون لڪل آهن.  اهو پرهيون ڀيرو ٿيو آهي جڏهن ماهرن ٻن قسمن جي ڪوريئڙن  جي گڏيل روين جو مشاهدو ڪيو. حقيقت ۾ ڪجهه جاين تي ڄارو ايترو وزني آهي جو پنهنجي وزن جي ڪري ڀِت کان هيٺ اچي ويو آهي.  ماهرن موجب هتي جيڪي ڪورئيڙن جا ٻه قسم موجود آهن، انهن مان هڪ ٻاهرين دنيا ۾عام طور ٻئي کي شاڪر ڪندو آهي. پر ظاهري طور غار جي اونداهي انهن جي نظر ختم ڪري ڇڏي آهي ۽ سلفر ماحول ۾ اهي پاڻ ۾ گڏجي رهڻ لڳا آهن. هن تحقيق جا نتيجا رسالي Subterranean Biology ۾ شايع ٿيا آهن.