ورلڊ ڪپ: قومي ٽيم ڀارت پهچي وئي: جمعي تي نيوزيلينڊ سان وارم اپ مئڇ

ڪراچي(اسپورٽس نيوز) قومي ڪرڪيٽ ٽيم ورلڊ ڪپ جي مقابلن ۾ شرڪت ڪرڻ لاءِ اڄ دوبئي کان ڀارت پهچي  وئي

ڪپتان بابراعظم جي اڳواڻيءَ ۾ قومي اسڪواڊ اڄ شام دوبئي مان ڀارتي شهر احمد آباد لاءِ رواني ٿي، ڀارتي شهر حيدرآباد پهچڻ تي سندس شاندار استقبال ڪيو ويو جڏهن ته احمد آباد ۾ پڻ قومي ٽيم جي آجيان لاءِ مداحن جو وڏو انگ احمد آباد جي ايئر پورٽ ٻاهران گڏ ٿي ويو آهي

پاڪستاني ٽيم ورلڊ ڪپ جي دنگل کان اڳ 29 سيپٽمبر تي نيوزيلينڊ ۽ 3 آڪٽوبر تي آسٽريليا خلاف وارم اپ ميچ کيڏندي

 قومي ٽيم جو پهريون دنگل 6 آڪٽوبر تي نيدرلينڊ سان ٿيندو، پاڪستان ۽ ڀارت وچ ۾ ورلڊ ڪپ جو پهريون مها دنگل 14 آڪٽوبر تي احمد آباد ۾ ٿيندو