ورڪشاپ ويجهو پ پ اميدوارن جي رستا روڪ: سخت پڇاڻو: ڳوٺاڻن ووٽ کان کتو جواب ڏئي ڇڏيو

ورڪشاپ (رپورٽ: غلام قادر شر) ورڪشاپ ويجهو پ پ اميدوارن جي رستا روڪ: سخت پڇاڻو: ڳوٺاڻن ووٽ کان کتو جواب ڏئي ڇڏيو

 اين اي 209 تي پ پ اميدوار شازيا مري ۽ نويد ڏيرو جي ورڪ دوران ووٽرن رستا روڪ ڪري شڪايتون ڪيو ته اوهان 5 سال ڪٿي گم ھئا، گذريل اليڪشن ۾ اسان توهان کي ووٽ ڏنو هو پر توهان صرف پنهنجي خاص ماڻهن کي نوازيو

جي جي بلڪل کپري اينداسين پھرين ھن چاچي پوڙھي جي انجنيئر کي چئي ٽن ڏينھن ۾ ٺاھيل پل جا پئسا تہ رليز ڪرايو ۽ حڪم ڪيوس تہ ستن ڏينھن ۾ ٻي پل بہ ٺاھي ڏئي. ۽ اليڪشن جا ڏينھن آھن، ڪوشش ڪيو تہ باقي مسئلا بہ في الحال حل ٿي وڃنس، اڳتي يا نصيب. https://t.co/gS2DmFklJi pic.twitter.com/je2Xz5vNBN

— Yaseen Rind (@myaseenrind) January 25, 2024

 ان موقعي تي ڳوٺاڻن حاجي مصطفيٰ بروھي ۽ ٻين اميدوارن کي چيو ته پهريان ٻوڏ اسان کي ٻوڙي ڇڏيو، هاڻي واهه ٻوڙي رهيا آهن، پل به نه ٺهي سگهي آهي

هنن چيو ته نويد ڏيرو جڏهن ايم اين اي هو ته سندس ڪير به نه ٻڌندو هو،  نه پوليس سندس ڳالهه ٻڌي،  نه روينيو عملدار سندس چوڻ وٺندا هئا

ڳوٺاڻن چيو ته ڳوٺ جي پل ٽٽي پئي، نويديرو پاڻ به ساڳي پل تان ڪري پيو هو پر ڪنهن به پل ٺهرائي، اسان پاڻ پنهجي خرچ تي پل ٺاهي رهيا  آهيون، اوهان کي باقي ووٽ ڏيڻ جو ڪهڙو فائدو، اسان هاڻي اوهان کي ووٽ نه ڏينداسين

 ان موقعي تي شازيه مري ۽ نويد ڏيرو ووٽرن جي سوالن تي بيوسي جي تصوير بڻيل بيٺا رهيا ۽ ڪو به جواب نه ڏئي سگهيا، ووٽرز جي اهڙي وڊيو سوشل ميڊيا تي پڻ وائرل ٿي وئي آهي