| وزيراعظم پاران ون ڪانسٽيٽييوشن ايونيو جي معاملي تي ڪميٽي قائم |
اسلام آباد (بيورو رپورٽ) وزيراعظم شهباز شريف ون ڪانسٽيٽييوشن ايونيو جي معاملي تي اعليٰ سطحي ڪاميٽي جوڙي ڇڏي. قانون ۽ انصاف واري وفاقي وزير اعظم نذير تارڙ جي سربراهي ۾ جوڙيل ڪاميٽيءَ ۾ گهرو مملڪتي وزير طلال چوڌري، سيڪريٽري ڪابينا ۽ ڪامرس سيڪريٽري ميمبر هوندا.ڪاميٽي ايندڙ هڪ هفتي اندر سڄي معاملي جو جائزو وٺي هڪ جامع رپورٽ وزيراعظم کي پيش ڪندي. ان دوران هن معاملي ۾ ڪو به متاثر شخص پنهنجون گذارشون ڪاميٽي آڏو پيش ڪري سگهندو ۽ ڪاميٽي بنا ڪنهن فرق جي ڌرين ۽ متاثرن کي ٻڌندي. وزيراعظم جي هن معاملي تي حتمي فيصلي تائين اسلام آباد انتظاميه ۽ سي ڊي اي طرفان ڪنهن به قسم جي ڪارروائي عمل ۾ نه آندي ويندي. وزيراعظم ون ڪانسٽيٽييوشن ايونيو جي معاملي ۾ انصاف جون گهرجون پوريون ڪرڻ لاءِ خصوصي ڪاميٽي جي قيام جون هدايتون جاري ڪيون آهن.