| وفاقي آئيني عدالت پاران ججن کي ڪيس جلد اڪلائڻ جي هدايت |
اسلام آباد(بيورو رپورٽ) وفاقي آئيني عدالت جي چيف جسٽس امين الدين خان جي سربراهي ۾ وفاقي آئيني عدالت جو پهريون فل ڪورٽ اجلاس منعقد ٿيو، اجلاس ۾ سمورن ججن ۽ رجسٽرار شرڪت ڪئي، جنهن دوران عدالتي ڪارڪردگي بهتر بڻائڻ ۽ اهم فيصلن تي غور ڪيو ويو۔ ڪيسن جي جلد فيصلي ۽ بيڪ لاگ ختم ڪرڻ تي زور ڏنو ويو. بينچن کي اثرائتي ڪيس مئنيجمينٽ اختيار ڪرڻ جي هدايت ڪئي وئي۔ اجلاس ۾ بي ايس اٺ کان سورهن تائين عملي جي تربيت کي ساراهيو ويو.