“ون بيٽل فار اين اڌر”6 آسڪر ايوارڊ ٻهاري ورتا 

لاس اينجلس(ڪلچرل ڊيسڪ)“ون بيٽل فار اين اڌر”آسڪر تقريب تي ڇانئجي وئي،  جنهن بهترين تصوير جي مجسمي سميت 6 ايوارڊ کٽيا، انهي فلم ايوارڊ سيزن جي دلچسپ فائنل ۾”سنرز”کي به شڪست ڏني. هوڏانهن “ون بيٽل” جي ڊائريڪٽر پال ٿامس اينڊرسن ذاتي طور تي 3 آسڪر ايوارڊ کٽيا، جيڪي سندس ڪيريئر جا پهريان ايوارڊ هئا، سندس سياسي ٿرلر فلم “ون بيٽل” اميگريشن جي ڇاپن ۽ گورن جي بالادستي جي ٻرندڙ مسئلن سان لاڳاپيل آهي. هن چيو ته “مون هي فلم پنهنجن ٻارن لاءِ لکي آهي ته اسان دنيا ۾ جيڪا گندگي ڇڏي آهي، انهي لاءِ  کانئن معافي وٺان، “ون بيٽل” هڪ ڀنگ جي عادي اڳوڻي انقلابي جي ڪهاڻي ٻڌائي ٿي، جيڪو ليونارڊو ڊي ڪيپريو ادا ڪيو، جيڪو خوفناڪ ڪرنل لاڪجا خلاف جنگ ۾ پاسورڊ ياد رکڻ لاءِ جدوجهد ڪري ٿو، جيڪو سين پين ادا ڪيو، جنهن بهترين سپورٽنگ اداڪار جو ايوارڊ کٽيو. فلم بهترين ايڊيٽنگ ۽ ڪاسٽنگ لاءِ ايوارڊ پڻ کٽيا. ٿامس اينڊرسن همعصر آمريڪي سينيما جي عظيم ترين ڊائريڪٽرن مان هڪ آهي پر آچر تائين هن ڪڏهن به آسڪر نه کٽيو هو، “ديئر ول بي بلڊ” ۽ “بوگي نائيٽس” سميت 11 مشهور فلمون نامزدگين باوجود ايوارڊ  کتي نه سگهيون هيون.