وڏو ڪوريئڙو يا جيت جڻيو: روبوٽ جو نئون ماڊل دلچسپ

نيويارڪ (انٽريسٽنگ نيوز) هن جون حرڪتون عجيب لڳن ٿيون ۽ اهو ڪوريئڙي وانگر لڳندو آهي، اسان ڳالهه ڪريون پياهڪ روبوٽ جي جيڪو پنهنجي ڊزائن جي لحاظ کان منفرد آهي. آمريڪا ۾ نارٿ ويسٽرن يونيورسٽي هي روبوٽ تيار ڪيو آهي، جيڪو واقعي تمام خاص آهي. مصنوعي ذهانت ٽيڪنالاجي ان جي ڊيزائن ۽ هلڻ جي حڪمت عملي تيار ڪئي. محققن هڪ دلچسپ مطالعي لاءِ هي اي آءِ روبوٽ تيار ڪيو آهي. جرنل پي اين اي ايس ۾ شايع ٿيل مطالعي مان ظاهر ٿيو ته موجوده دور ۾ روبوٽ ڦيٿن تي هلن ٿا يا انسانن وانگر هلن ٿا. يعني انهن روبوٽ ۾ هلڻ، ڊوڙڻ، ٽپو ڏيڻ يا ڪِرڻ جي صلاحيت آهي، پر نارٿ ويسٽرن يونيورسٽي جي ماهرن جو خيال آهي ته اهي روايتي روبوٽ ڪنهن غير متوقع صورتحال يا ٽنگ ٽٽڻ جي صورت ۾ ڪم جا نه هوندا تنهن ڪري انهن هي نئون منفرد روبوٽ تيار ڪيو آهي جيڪو نه رڳو مختلف هنڌن تي بهتر ڪم ڪري سگهي ٿو پر اهو سمجهڻ ۾ پڻ مدد ڪندو ته جانورن اربين سالن کان ڪيئن ترقي ڪئي آهي. محققن جو خيال آهي ته هي روبوٽ اهو اشارو فراهم ڪرڻ جي قابل هوندو ته ڪوريئڙن کي 8 ٽنگون ڇو هونديون آهن جڏهن ته ٻين کي ته ان کان به وڌيڪ هونديون آهن جڏهن ته نانگ کي ٽنگون ڇو نه هونديون آهن ۽ اهي سڀئي جاندار پنهنجي ماحول سان ڪيئن مطابقت رکندا آهن. انهن روبوٽ جي خودمختيار ٽنگن سان شروعات ڪئي، جيڪي پروسيسنگ يونٽ، بيٽري ۽ موٽر سان ليس آهن ۽ هڪ سادي سسٽم تي ٻڌل هڪ سنگل جوائنٽ تي ڪم ڪن ٿا. پوءِ انهن هن ڊيزائن کي هڪ اي آءِ ماڊل ۾ فيڊ ڪيو ۽ پوءِ روبوٽ جو آخري موجوده روپ حاصل ڪيو ويو. اي آءِ جي خودڪار ڊيزائن الگورٿم روبوٽ جي منفرد ڊيزائن کي اڳتي آندو.