يورپي پاليامينٽ به ايران ۾ عوامي احتجاج جي حمايت ڪري ڇڏي

برلن: ايران جي صورتحال تي يورپي پارليامينٽ جي صدر روبرٽا ميٽسولا چيو آهي ته دنيا هڪ ڀيرو ٻيهر ايراني عوام جي بهادر مزاحمت جي شاهدي ڏئي رهي آهي. پنهنجي پيغام ۾ هن چيو ته ايراني عوام جو وقار، آزادي ۽ جيئڻ ۽ حڪومت ڪرڻ جي حق لاءِ آواز سڄي دنيا ۾ ٻڌو ويو آهي. هن چيو ته يورپ جا ماڻهو ڏسي رهيا آهن ته ايراني عوام جي دلين ۽ ذهنن ۾ ڇا ٿي رهيو آهي ۽ گهٽين تي احتجاج جي صورتحال ڇا آهي. يورپي پارليامينٽ جي صدر ايراني عوام کي چيو آهي ته هڪ عظيم ۽ آزاد ملڪ جي تعمير لاءِ پرعزم قوم جي حيثيت سان توهان جو فخر ۽ عزت ايران ۽ دنيا جي نسلن پاران ياد رکيو ويندو.