ٺل واسي اغوا ٿيل ڪار ڊائيور بازياب ٿي گهر پهچي ويو

ٺل (ن پ ا) ٺل واسي ڪار ڊائيور سکر مان بازياب، گهر ۾ خوشي جي لهر، خبر موجب شهر جي رياض ڪالوني واسي ڪار ڊرائيور نور حسن ڊول 4 ڏينهن اڳ سکر مان اغوا ٿي ويو هو

 جيڪو سنگرار واري علائقي مان بازياب ٿي گهر پهچي ويو آهي، اطلاع تي نوجوان جا وارث سکر پهچي ويا، جيڪي ڊرائيور کي گهر وٺي آيا، نوجوان جي بازيابي جو اطلاع ملڻ تي سندس گهر ۾ خوشي جي لهر ڇائنجي وئي،

ڊرائيور ٻڌايو ته مون کي ڪار تان لاهي اغوا ڪري بند ڪمري رکيو ويو، بعد ۾ هنن مون کي چيو ته تو کي غلطي ۾ کڻي آيا آهيون

  جنهن هنن جهنگ ۾ ڇڏي ڏنو، ٻئي پاسي علائقي ۾ چوٻول آهن ته نوجوان کي راڄوڻي ڪوششن وسيلي بازياب ڪرايو ويو آهي