| ٺل ويجھو پوليس چڙهائي دوران ڇڪتاڻ، اهلڪارن جون ورديون ليڙون، مظاهرو ڌرڻو |
ٺل (ن پ ا) ٺل جي بي سيڪشن پوليس جو دينپور موڙ تي ثناء الله سومرو جي گهر تي چڙهائي ڪئي ليڊير پوليس بجائي پوليس اهلڪار گهر ۾ گهڙي عورتن ۽ مردن ۽ ٻارڙن مٿان نشدد ڪيو ته گهر ڀاتين ۽ پوليس وچ ۾ ڇڪتاڻ پيدا ٿي وئي. گهر ۾ داخل ٿيندڙ پوليس اهلڪار کي گهر ۾ يرغمال بڻائي ڇڏيو ۽ گهر ڀاتين ۽ پوليس ۾ ڇڪتاڻ دوران هڪ اهلڪار عمران نوناري جا ڪپڙا ليڙون ليڙون ٿي ويا. سومرا برادري جي مردن توڙي عورتن جو ٺل ڪنڌڪوٽ روڊ تي احتجاجي مظاهرو ڪري روڊ بلاڪ ڪري ڇڏيو، گاڏين جون قطارون لڳي ويون. فياض سومرو، ثناء الله سومرو، غوث بخش سومرو ۽ ٻين ٻڌايو ته ٺل جي بي سيڪشن پوليس اسان جي گهر تي بلاجواز چڙهائي ڪري چادر ۽ چوديواري جو تقدس پائيمال ڪيو ۽ عورتن مٿان تشدد ڪيو هنن چيو ته اسان جي گهر اندر ليڊي اهلڪار اچڻ بجائي پوليس اهلڪار گهر ۾ داخل ٿيا ۽ گهر ڀاتين کي تشدد ڪيو جيڪو غيرقانوني آهي هنن چيو ته اسان جي مٿان ڪوئي به ڪيس ناهي ان باوجود پوليس ڏوهارين جيان اسان جا گهر ۾ داخل ٿي گهر مٿان فائرنگ ڪئي هنن چيو ته گهر تي چڙهائي ڪندڙ پوليس اهلڪارن خلاف ڪاروائي ڪئي وڃي هوڏانهن ڌرڻو 3 ڪلاڪ جاري رهيو جنهن ڪري سوين بلوچستان ۽ پنجاب ڏانهن ايندڙ ويندڙ گاڏيون بيهجي ويون مظاهرين سان ايس ايچ او اي سيڪشن ايوب ڊوگر پهچي مطالبا منظور ڪري ڌرڻو ختم ڪرايو جڏهن ته ڊي ايس پي آفيس ۾ ڊي ايس پي ٺل آڏو گهر تي بلاجواز چڙهائي ڪندڙ اهلڪارن ثناء الله سومرو ۽ فياض سومرو سان معزرت ڪئي هوڏانهن بي سيڪشن پوليس کان رابطو ڪرڻ جي ڪوشش ڪئي ايس ايچ او فون اٽينڊ نه ڪئي