ٺٽو لڳ برسات سبب زبون عمارت ڊهي پئي: نوجوان دٻجي فوت

ٺٽو(رپورٽر) ٺٽي لڳ برسات سبب زبون ٿي ويل اوطاق جي عمارت ڊهي پئي نوجوان دٻجي فوت ٿي ويو سندس پٽ زخمي ٿي پيو

ڇتوچنڊ ڀرسان پراڻي پٿر جي زبون ٿيل عمارت تازي پيل برسات جي سٽ نه صحيح سگهي ۽  اوچتو ڊهي پوڻ ڪري هڪ نوجوان حنيف بروهي دٻجي فوت ٿي پيو ۽ سندس پٽ زخمي ٿي پيو

مقامي ڳوٺاڻن دٻجي ويل پيءُ ۽  پٽ کي ڪڍي سول اسپتال ٺٽو پهچايو جتي نوجوان حنيف بروهي جي فوت ٿيڻ جي ڊاڪٽرن تصديق ڪئي

چيو پيو وڃي ته تازين برساتن سبب زبون حال ٿيل اوطاق واري عمارت ڌماڪي سان ڊهي پوڻ ڪري واقعو پيش آيو، نوجوان حنيف پنهنجي ٻن پٽن سميت اوطاق ۾ موجود هو، سندس ٻيو پٽ معزانه طور بچي ويو