ٺٽي جي ڪوهستان ۾ عرب شهزادن جا ديرا، فائرنگ، علائقن ۾ خوف

ڌاٻيجي(رپورٽ: شبير جوکيو) ٺٽي ضلعي جي ڪوهستاني پٽي تي عرب شهزادن ڊيرا ڄمائي ڇڏيا بندش پيل علائقن ۾ شڪار سبب ناياب پکي جي نسل ڪشي ٿيڻ لڳي

شڪار سبب فائرنگ دوران علائقن خوف نوٽس جو مطالبو ان موقعي تي محمد بخش بروهي اسد گوپانگ، شاھ محمد ۽ ٻين ٻڌايو ته ٺٽي ضلعي جي ڪوهستاني پٽي جي علائقن ڌاٻيجي، جهمپير ، جنگشاهي، مالماڙي جي مختلف علائقن کير ٿر نيشنل پارڪ ، مال ڪوهستان وائلڊ لائف سنچري، ڪهينجر گينگ ريزز ، رام سر سائيڊ سورجاني گيم ريزر سميت ٻين علائقن ۾ عرب شهزاده پهتل

انهن علائقن ۾  بحرين ، دبئي ،قطر جي عرب شهزادن لڏو لاهي ڪري مقامي چونڊيل نمائندن ۽ وڏيرن سان ملي ڀگت ڪري ناياب پرديسي پکين تلور ،تتر ،خرگوش ٻاٽير سميت ٻين ملڪن مان ايندڙ ناياب پکين جي شڪار لاءِ  ڄار وڇائي ڪري بندش پيل علائقن ۾ پکين جي نسل ڪشي ڪرڻ لڳا

شڪار دوران فائرنگ سبب علائقي ۾ خوف وهراس ڌنارن سميت ڳوٺاڻا عذاب واري زندگي گهارڻ تي مجبور هنن نگران حڪومت کان اپيل ڪندي چيو ته فوري طور تي نوٽس وٺي ڪري وڌيڪ ڪنهن جاني نقصان کان بچايو وڃي