ٽائيٽينڪ جو ملبو ڏسڻ لاءِ ويل آبدوز ۾ سوار شهزادا دائود سميت 5 ئي مسافر فوت: آمريڪي اختيارين پاران باضابطا اعلان

واشنگٽن(پنهنجي ڊيسڪ) ٽائٽينڪ جهاز جو ملبو ڏسڻ لاءِ آبدوز ۾ سوار شهزادا دائود سميت 5 ئي مسافر فوت، آمريڪي اختيارين باضابطا اعلان ڪري ڇڏيو

آمريڪي ميرين اختيارين موجب گم ٿيل آبدوز ٽائٽان جو ملبو ٽائٽينڪ جهاز جي ويجهو ئي هٿ آيو، ملبو هٿ اچڻ بعد آبدوز جي مالڪ ڪمپني اوشين گيٽ 5 ئي مسافرن جي موت جي تصديق ڪئي وئي

 امريڪي ڪوسٽ گارڊز پاران به سياحن جي فوت ٿيڻ جي تصديق ڪئي وئي فوت ٿيل مسافرن ۾ پاڪستاني اينگرو ڪمپني جو وائيس چيئرمين شهزاده دائود، سندس پٽ سليمان دائود، اوشين گيٽ ڪمپني جو سي اي او اسٽاڪٽن رش، فرانسيسي شهري پال هينري ۽ برطانوي ارب پتي هميش هارڊنگ شامل آهن

Difference of the World we live in today.

#GreeceBoatDisaster #titanicsubmarine pic.twitter.com/i59kBo3Rr3

— Usama Virk (@UsamaVirkk) June 23, 2023

 آمريڪي ڪوسٽ گارڊ جو چوڻ آهي ته آبدوز ڪيئن تباهه ٿي ان جو پتو لڳايو ويندو، آبدوز جو اهو خول جنهن ۾ مسافر سوار هئا، اهو اڃا نه ملي سگهيو آهي

 حادثي ۾ فوت ٿيلن جا لاش هٿ ڪرڻ في الحال ممڪن نه آهي

ٻئي طرف  اوشين گيٽ پاران بيان ۾ چيو ويو آهي ته هاڻي اسان کي يقين آهي ته اسان پنهنجي سي اي او اسٽاڪٽن رش، شهزاده دائود، سندس پٽ سليمان دائود، هميش هارڊنگ ۽ پال هينري کي وڃائي ويٺا آهيون

بيان ۾ وڌيڪ چيو ويو ته ٽائيٽينڪ جهاز جو ملبو ڏسڻ لاءِ ويل 5 ئي مسافر   سچا ايڪسپلورر هئا جن مهم جوئي جو هڪ ڌار جذبو ڏيکاريو، اسان انهن 5 ئي ڄڻن جي خاندانن سان ڏک ۾ برابر جا شريڪ آهيو