ٻچڙي کي بچائڻ لاءِ امڙ پاڻ گٽر ۾ لهي پئي، دردناڪ وڊيو وائرل

ٽنڊوالهيار (پنهنجي ڊيسڪ) ٽنڊوالهيار ۾ نينگر گٽر ۾ ڪِري فوت، معصوم پٽ کي بچائڻ لاءِ امڙ پاڻ گٽر ۾ لهي پئي، رڙيون ڪندي رهي، اهڙي دردناڪ وڊيو سوشل ميڊيا تي وائرل ٿي وئي آهي

گذريل ڏينهن ٽنڊوالهيار ۾حيدرآباد روڊ تي جسڪاڻي گڊز سامهون رڪشو ڪلٽي ٿيڻ سبب 3 ٻارڙا کليل گٽر ۾ ڪري پيا، ٻن ٻارڙن کي شهرين ۽ وارثن بچائي ورتو، شان ولد دائم رند گٽر ۾ ٻڏي فوت  ٿي ويو،اهڙي واقعي جي وڊيو سوشل ميڊيا تي وائرل ٿي وئي آهي

 انتظاميه جو ڪوبه عملدار نه پهتو، امڙ پنهنجي ٻچي جي ڳولا لاءِ گٽر ۾ لهي پٽ جو نالو وٺي روئيندي رهي، 2 ڪلاڪ بعد  نينگر جو لاش گٽر مان مليو

 گٽر ۾ ڪري پيل معصوم پٽ کي بچائڻ لاءِ گٽر ۾ لٿل امڙ جي وڊيو سوشل ميڊيا تي وائرل ٿي وئي آهي جنهن کانپوءِ انتظاميا مٿان تنقيد ڪئي پئي وڃي

سوشل ميڊيا تي مطالبو ڪيو ويو ته انتظاميا مٿان نينگر جي قتل جو ڪيس داخل ڪيو وڃي، انتظاميا جي لاپرواهي جي ڪري گٽرن جا منهن کليل آهن جنهن ڪري جاني نقصان ٿيو آهي