| ٽنڊي آدم ۽ ڀرپاسي ڪوهيڙو، ٿڌ وڌي وئي، ماڻهو گھرن تائين محدود |
ٽنڊوآدم(ن پ ا) ٽنڊوآدم ۽ آسپاس ڪوهيڙي سبب ٿڌ ۾ واڌ رهواسي گهرن تائين محدود، ڪاروبار متاثر رپورٽ موجب ٽنڊوآدم ۽ آسپاس جي علائقن ۾ ڪوھيڙي جو راڄ برقرار رھيو. جنهن ڪري ٿڌ ۾ واڌ ٿيڻ سبب رهواسي گهرن تائين محدود رھيا جڏهن ته آفيسن ۾ ويندڙ ملازم ۽ اسڪول ويندڙ شاگرد ۽ شاگردياڻيون پريشانين کي منهن ڏيندا رھيا جڏھن ته روڊن ۽ رستن تان ٽريفڪ جي آمدرفت گهٽ رھي سخت ڪوهيڙي سبب حد نگاھ به گهٽجي وئي. ٻئي طرف بجلي نه هجڻ سبب ڪاروبار سخت متاثر ٿيو ان کانسواءِ گهرن ۾ گئس جي لوڊ شيڊنگ ۽ گهٽ پريشر هجڻ سبب رڌ پچاءَ ۾ ڏکيائون پيش اچڻ لڳيون. ٿڌ ۾ واڌ اچڻ بعد گرم شين جي وڪري ۾ اضافو ٿي ويو آھي. جڏهن ته غريب طبقي وري گرم سئيٽرن، جيڪيٽس، ڪپڙن ۽ ٻين شين جي خريداري لاءِ لڳايل لُنڊا بازارن جي اسٽالن جو رخ ڪيو ۽ خريداري ڪئي.