| ٽينس اسٽار اعصام الحق باضابطا طور ڪورٽ کان آئوٽ |
اسلام آباد (م ڊ) ليجنڊ پاڪستاني ٽينس اسٽار اعصام الحق پنهنجي شاندار ڪيريئر جي آخري ميچ کيڏڻ کان پوءِ ٽينس ڪورٽ تان رٽائر ٿي ويو آهي. اسلام آباد ۾ اي ٽي پي چئلينجر ڪپ جو مينز ڊبلز فائنل اعصام الحق جي ڪيريئر جي آخري ميچ هئي. چئلينجر ڪپ جي مينز ڊبلز فائنل ۾ اعصام پنهنجي مخالف مزمل مرتضيٰ کان سڌي سيٽن ۾ هارائي ويو. اعصام الحق پنهنجي شاندار ڪيريئر دوران ملڪ لاءِ سڀ کان وڌيڪ 18 اي ٽي پي ورلڊ ٽور ٽائيٽل کٽيا، 28 اي ٽي پي چئلينجر ٽائيٽل سندس نالي تي آهن، ٽينس اسٽار ڊبلز ۾ 17 آئي ٽي ايف فيوچر ٽائيٽل ۽ سنگلز ۾ 5 آئي ٽي ايف ٽائيٽل پڻ کٽيا. اعصام الحق اي ٽي پي چئلينجر ٽائيٽل پڻ کٽيو، هو ڊيوس ڪپ ۾ سنگلز، ڊبلز ۽ مجموعي طور تي سڀ کان وڌيڪ ميچ کٽيندڙ پاڪستاني رانديگر پڻ آهي.