ٽڪ سي مر ڪر ٺڪ سي واپس آجاتا هون ڊائلاگ سچ ثابت

بيجنگ (انٽريسٽنگ نيوز) جيڪڏهن ڪنهن شخص جي بند ٿي وڃي ۽ جلدي صحتياب نه ٿئي ته ان کي مئل قرار ڏنو ويندو آهي. پر چين ۾ هڪ همراهه دل بند ٿيڻ کان 40 ڪلاڪن بعد ٻيهر جيئرو ٿي ويو. هي واقعو چين جي صوبي جيجيانگ ۾ پيش آيو. اسپتال آف جيجيانگ يونيورسٽي اسڪول آف ميڊيسن جي ايمرجنسي ڊاڪٽر ليو شيائو پنهنجي سوشل ميڊيا اڪائونٽ تي ڪيس شيئر ڪيو. هن چيو ته 40 سالن جي شخص کي دل جي تڪليف ٿي هئي ۽ بجلي جا جھٽڪا ڏيڻ جي باوجود، سندس دل هجي ڌڙڪن بحال نه ٿي. طبي ٽيم هڪ مشين استعمال ڪئي جنهن کي ايڪسٽرا ڪارپوريل ميمبرين آڪسيجنيشن سڏيو ويندو آهي، جيڪا هڪ مصنوعي دل ۽ ڦڦڙن وانگر ڪم ڪري ٿي ۽ رت ۾ آڪسيجن پمپ ڪري ٿي، جنهن همراهه جي زندگي بچائڻ ۾ مدد ڪئي جيتوڻيڪ سندس دل لڳ ڀڳ 2 ڏينهن تائيننه هلي. هي مشين عام طور تي دل جي دوري جي مريضن کي عارضي مدد فراهم ڪرڻ لاءِ استعمال ڪئي ويندي آهي. ڊاڪٽر ليو چيو ته 40 سالن جي مريض لاءِ مشين استعمال ڪرڻ وقت اهو يقيني بڻائڻ ضروري هو ته رت جون ڳوڙهيون نه ٺهن ان لاءِ عملي تمام احتياط سان نگراني ڪئي. جڏهن به شخص جي دل جي ڌڙڪن بحال ٿيڻ باوجود 10 ڏينهن تائين ان جو مشين سان علاج جاري رکيو ويو. ڊاڪٽر ليو ٻڌايو ته 20 ڏينهن کانپوءِ اهو مريض مڪمل طور صحتياب ٿي ويو ۽ پاڻ اسپتال کان گهر ويو. ڊاڪٽر ان شخص جي بچڻ کي معجزو قرار ڏيندي چيو ته اهو مريض خوش قسمت هو.