پارس شاهه کي ڀاڄائي فرزانه قتل ڪرايو، جوابدارن کي سياسي مدد حاصل آهي، ڊي ايس پي سراج لاشاري ڪيس خراب ڪيو: سحر شاهه

ڪراچي(اسٽاف رپورٽر) ناليواري چترڪار سحر شاهه دعويٰ ڪئي آهي ته سندس ڀاءُ پارس شاهه کي ڀاڄائي فرزانه شاهه جي ڀاءَ ۽ سندس ماسات قتل ڪيو، جڏهن ته فرزانه شاهه به انهي واردات ۾ ملوث آهي

 هن چيو ته سي ڊي آر موجب جنهن ڏينهن منهنجي ڀاءَ جو قتل ٿيو، ان ڏينهن فرزانه شاهه منهنجي ڀاءَ کي نه ڪال ڪئي ۽ نه ميسيج ڪيو، انهي کان اڳ هو پارس شاهه سان رابطي ۾ هئي

 سندس چوڻ هو ته منهنجي ڀاءَ ۽ سندس ساهرن ۾ اختلاف هئا، ساهرا منهنجي ڀاءَ کي بليڪ ميل ڪندا هئا، منهنجو ڀاءَ اسانکي سڀ ڳالهيون ٻڌائيندو هو

سحر شاهه چيو ته گھر جي هڪ چاٻي  فرزانه شاهه جي ڀاءَ وٽ هئي، انهن گهر پهچي منهنجي ڀاءَ کي قتل ڪيو، بعد ۾ دروازو ٻاهران بند ڪري هليا ويا

هي به پڙهندا

 هن چيو ته جوابدار الزام لڳائي ڪيس کان بچڻ چاهين ٿا، منهنجي ڀاڄائي پنهنجي ماسات کي بچائڻ لاءِ ڪورٽ ۾ پٽيشن داخل ڪرائي، اهي پارس شاهه جي ٻيهر پوسٽ  مارٽم لاءِ قبرڪشائي ۾ به رڪاوٽ آهن

سندس چوڻ هو ته ڊي ايس پي سراج لاشاري ڪيس خراب ڪيو، ڊاڪٽر به غلط پوسٽ مارٽم رپورٽ ڏني، هن دعويٰ ڪئي ته جوابدارن کي سياسي مدد حاصل آهي

سحر شاهه وڌيڪ چيو ته جن منهنجي ڪردار ڪشي ڪئي، انهن خلاف سائبر ڪرائيم ۾ درخواست ڏئي ڇڏي آهي. هن چيو ته اسان کي پارس شاهه جي رت سان انصاف کپي، اسان پوئتي نه هٽنداسين