| پاڪستان، روس، برازيل، ايران سميت 75 ملڪن لاءِ آمريڪي ويزا بند |
واشنگٽن (م ڊ) آمريڪي ميڊيا اداري فاڪس نيوز دعويٰ ڪئي آهي ته آمريڪا 75 ملڪن لاءِ ويزا جاري ڪرڻ جو عمل بند ڪري ڇڏيو آهي. رپورٽ موجب آمريڪا ايران، عراق، مصر، صوماليا، روس، افغانستان، برازيل، نائيجيريا، ٿائيلينڊ، يمن ۽ مراڪش سميت 75 ملڪن لاءِ ويزائون ڪجهه عرصي لاءِ جاري نه ڪندو. ان دوران اسٽيٽ ڊپارٽمينٽ اميگريشن پروسيسنگ جو ٻيهر جائزو وٺندو. ياد رهي ته آمريڪا هن سال تائين هڪ لک ماڻهن جون ويزائون رد ڪيون آهن، جن مان 8,000 شاگردن جون آهن. اسٽيٽ ڊپارٽمينٽ بيان ۾ چيو ته آمريڪا کي محفوظ رکڻ لاءِ ملڪ بدري ۽ ويزا منسوخي جون ڪارروايون جاري رهنديون.