| پاڪستاني ويڙهاڪ جهازن جي گهرج وڌي وئي آهي، ڪيترائي ملڪ خريدڻ لاءِ ڳالهيون ڪن پيا: وزيراعطم |
اسلام آباد(بيورو رپورٽ) وزيراعظم محمد شهباز شريف سان اسلام آباد ۾ آمريڪا جي ورلڊ لبرٽي فنانشل آمريڪا جي وفد چيف ايگزيڪيوٽو آفيسر زچري وٽڪوف (Zachery Witkoff) جي اڳواڻيءَ ۾ ملاقات ڪئي. نائب وزيراعظم محمد اسحاق ڊار، چيف آف ڊيفنس فورسز ۽ چيف آف آرمي اسٽاف، فيلڊ مارشل سيد عاصم منير، ناڻي وزير محمد اورنگزيب، معاون خاص سيد طارق فاطمي ۽ چيئرمين پاڪستان ورچوئل ايسٽس ريگيوليٽري اٿارٽي بلال بن ثاقب اجلاس ۾ شرڪت ڪئي. وفد جي آجيان ڪندي وزيراعظم ڊجيٽل پاڪستان لاءِ پنهنجي وزن جو اظهار ڪيو، جنهن جو مقصد شهرين لاءِ سهولت، آسان رسائي ۽ شفافيت کي فروغ ڏيڻ آهي. وزيراعظم شهباز شريف چيو ته ڊجيٽل ادائيگين ۾ اضافي ۽ مالي جدت پاڪستان جي تيزي سان وڌندڙ ڊجيٽل معيشت جو اهم حصو آهن. وزيراعظم پاڪستان جي ڊيجيٽل مالي مارڪيٽن ۾ بين الاقوامي دلچسپي ۾ اضافي کي ساراهيندي ۽ اطمينان جو اظهار ڪندي چيو ته ملڪ تيزي سان عالمي ڊجيٽل معيشت جو حصو بڻجي رهيو آهي. مسٽر زچري وٽڪوف پاڪستان سان محفوظ ۽ شفاف ڊجيٽل ادائيگي جي بنيادي ڍانچي تي ڪم ڪرڻ ۾ دلچسپي ظاهر ڪئي، جنهن ۾ سرحد پار سيٽلمينٽ ۽ ڪرنسي جي حاصل ڪرڻ ۽ ادائيگي جي عمل ۾ جدت شامل آهي. هن پاڪستان جي پاليسي فريم ورڪ جي تعريف ڪئي، جيڪا عالمي ڊجيٽل معيشت ۾ ملڪ کي اهم مقام ڏيڻ ۾ مددگار آهي. هن نئين نسل جي ڊجيٽل ادائيگين ۽ سرحد پار مالي جدتن جي حوالي سان پاڪستان سان تعلقن کي وڌيڪ مضبوط ڪرڻ جي خواهش جو اظهار ڪيو. وزيراعظم محمد شهباز شريف ۽ چيف آف ڊيفنس فورسز ۽ چيف آف آرمي اسٽاف فيلڊ مارشل سيد عاصم منير حڪومت پاڪستان ۽ ايس سي فنانشل ٽيڪنالاجيز ايل ايل سي وچ ۾ مفاهمتي يادداشت تي دستخط جو مشاهدو ڪيو، جيڪو سرحد پار ڏيتي ليتي لاءِ اُڀرندڙ ڊجيٽل ادائيگي جي ڍانچن بابت ڳالهين ۽ ٽيڪنيڪل سمجهه جي ڏيتي ليتي کي ممڪن بڻائيندي. ناڻي وزير محمد اورنگزيب ۽ سي اي او ورلڊ لبرٽي فنانشل زچري وٽڪوف مفاهمتي يادداشت تي دستخط ڪيا. ٻئي پاسي وفاقي ڪابينا کي خطاب ۾ وزيراعظم چيو آهي ته ڀارت کان جنگ کٽڻ بعد دُنيا ۾ پاڪستان جي ويڙهاڪ جهازن جي ڊمانڊ وڌي وئي آهي، ڪيترائي ملڪ ويڙهاڪ جهازن لاءِ ڳالهيون ڪري رهيا آهن، اُن سان ملڪي معيشت کي فائدو ٿيندو، قانون لاڳو ڪندڙ ادارا دهشتگردن خلاف ڪارروائيون ڪري رهيا آهن، پاڪستان دهشتگردي خلاف جنگ ۾ ضرور ڪامياب ٿيند