پاڪستان سپر ليگ ۾ پشاور زلمي جي شاندار شروعات: 214 جو هدف ماڻي ورتو: راولپنڊيز کي 5 وڪيٽن تان شڪست

لاهور (ويب ڊيسڪ) پاڪستان سپر ليگ (پي ايس ايل) جي 11 هين ايڊيشن جي ٽين ميچ ۾ پشاور زلمي راولپنڊيز کي 5 وڪيٽن تان شڪست ڏئي ڇڏي. لاهور جي قذافي اسٽيڊيم ۾ کيڏيل ميچ ۾ راولپنڊيز جي ڪپتان محمد رضوان ٽاس کٽي پهرين بيٽنگ جو فيصلو ڪيو. راولپنڊيز مقرر 20 اوورن ۾ 4 وڪيٽن جي نقصان تي 214 رنسون ٺاهيون. اننگز جي شروعات رضوان ۽ ياسر خان ڪئي ۽ ٻنهي رانديگرن بهترين بيٽنگ جو مظاهرو ڪيو. ياسر خان 83، ڪپتان محمد رضوان 41 رنسون ٺاهيون، ڪامران غلام 37، ڊيرل مچل 23 ۽ سيم بلنگز 18 رنسون ٺاهي آئوٽ ٿيا. پشاور زلمي طرفان فاسٽ بالر علي رضا 2 وڪيٽون ورتيون. راولپنڊيز جو 215 رنسن جو هدف پشاور زلمي آخري اوور ۾ 5 وڪيٽن جي نقصان تي حاصل ڪري ورتو. فاتح ٽيم جي محمد حارث 47 ۽ بابر اعظم 39 رنسون ٺاهيون، مائيڪل بريسوئل 35 ۽ عبدالصمد 11 بالن تي 33 رنس ٺاهي اهم ڪردار ادا ڪيو، جڏهن ته مائيڪل بريسوئل کي پليئر آف دي ميچ قرار ڏنو ويو.