پاڪستان ڪڏهن واپس ويندس ؟ نواز شريف فيصلي لاءِ سعودي عرب پهچي ويو

ڪراچي (پنهنجي ڊيسڪ) نواز شريف جي وطن واپسي جو فيصلو سعودي عرب ۾ ٿيندو، نواز شريف دبئي کانپوءِ سعودي عرب پهچي ويو، مريم نواز به ساڻس گڏ آهي

ذريعن موجب شريف خاندان ٻه هفتا سعودي عرب ۾ ترسندو، نواز شريف ۽ مريم نواز ڪجهه ڏينهن ۾ عمرو به ادا ڪندا، نواز شريف شاهي خاندان سميت اهم شخصيتن سان ملاقات ڪندو

ذريعن موجب ن ليگ سربراهه نواز شريف جي وطن واپسيءَ جي تاريخ جو فيصلو سعودي عرب ۾ ٿيندو ۽ نواز شريف جي وطن واپسي تي شاندار استقبال ڪيو ويندو

ن ليگ اڳواڻ شاهد خاقان عباسي به تصديق ڪئي آهي ته نواز شريف اليڪشن کان اڳ وطن واپس اچي ويندو، ملڪي معيشت جي بهتري لاءِ سعودي عرب ۽ امارات سان سيڙپڪاري ٿيڻ جو امڪان آهي

ذريعن موجب سعودي عرب  ۾ نواز شريف پنهنجي فيملي ميمبرز سان گڏ سرور پيلس ۾ قيام ڪندو، سيڙپڪارن سان به ملاقاتون ڪندو