پاڻي تڪرار تان عورت سميت 4 ڄڻا مارجي ويا
جُون 5, 2025
خيبر(پنهنجي ڊيسڪ) پاڻي تڪرار تان فائرنگ، عورت سميت 4 ڄڻا مارجي ويا، خيبر ۾ پاڻي جي تڪرار تي جهيڙو ٿيو.پوليس جو چوڻ آهي ته واقعو جمرود جي غنڊي علائقي ۾ پيش آيو، جتي پاڻي جي تڪرار تي فائرنگ ڪئي وئي هئي.
فائرنگ ۾ ٽي ماڻهو مارجي ويا، جن ۾ ٻه ڀائر به شامل آهن. فائرنگ ۾ هڪ عورت پڻ زخمي ٿي پئي هئي جنهن اسپتال ۾ علاج دوران دم ڏنو آهي.
پوليس وڌيڪ چيو ته واقعي کانپوءِ جوابدار فرار ٿي ويا آهن ۽ جن جي ڳولا جاري آهي.
