پرٿ پچ تي تنقيد: عثمان خواجا لاءِ ڏچا وڌي ويا

برسبين (اسپورٽس نيوز)آسٽريلوي بيٽر عثمان خواجا برسبين ٽيسٽ کان اڳ پرٿ جي پچ تي ڪيل تنقيد سبب مسئلن جو شڪار ٿي ويو آهي. عثمان خواجا آءِ سي سي طرفان ”ويـري گڊ“ قرار ڏنل پچ بابت اڻوڻندڙ ٻولي استعمال ڪئي، جنهن تي ڪرڪيٽ آسٽريليا جو موقف آهي ته بيٽر کي عوامي هنڌن تي اهڙي تبصري جي اجازت ناهي. ڪرڪيٽ آسٽريليا عثمان خواجا کان پرٿ ٽيسٽ بابت ڪيل تبصري تي وضاحت گهري سگهي ٿي ۽ ضابطي جي ڀڃڪڙي تحت ڪارروائي به ڪري سگهجي ٿي. عثمان خواجا کي ايشز سيريز جي برسبين ٽيسٽ کان اڳ فٽنيس ٽيسٽ پاس ڪرڻي آهي، پرٿ ٽيسٽ کان اڳ گولف کيڏي چيلهه جي تڪليف جو شڪار ٿيڻ تي کيس سخت تنقيد جو نشانو بڻايو ويو هو، ڇو ته هو پرٿ ٽيسٽ اوپننگ نه ڪري سگهيو هو . ان کان پوءِ اڳوڻن ڪرڪيٽرن ۽ ماهرن عثمان خواجا کي ڊراپ ڪرڻ جو مطالبو ڪيو هو، پر چار ڊسمبر کان شروع ٿيندڙ ايشز سيريز جي ڊي اينڊ نائيٽ ٽيسٽ اسڪواڊ ۾ عثمان خواجا کي برقرار رکيو ويو آهي.