پنوعاقل واسڻ بريره بلو ڪميشن پاس،سنڌ جي پنجين عورت پوليس آفيسر بڻجي وئي

جُون 10, 2023

ڪراچي (پنهنجي ڊيسڪ) پنوعاقل سان تعلق رکندڙ نياڻي بريره بلو سي ايس ايس امتحان 2022ع پاس اي ايس پي بڻجي وئي آھي

 پنوعاقل جي ڳوٺ ڪوٽ بلو سان تعلق رکندڙ بريره بلو  پاڪستان ۾ سي ايس ايس امتحان ۾ ستين پوزيشن ۽ سنڌ ليول تي پهرين پوزيشن کنئي آهي

 لنڊن اسڪول آف اڪنامڪس مان پوزيشن ھولڊر بريره بلو کي ڪميشن امتحان پاس ڪرڻ کانپوءِ پوليس سروس آف پاڪستان (پي ايس پي) گروپ الاٽ ڪيو ويو آهي

سکر ضلعي جي پهرين اي ايس پي عورت آھي ۽ سنڌ ۾ سهائي عزيز ٽالپر، زاهده پروين ڄامڙو، علينه راڄپر، ماجده هاليپوٽو کانپوءِ پنجين سنڌي عورت پوليس آفيسر بڻجي وئي آهي

بريره بلو اڳوڻي چيف سيڪريٽري سنڌ علم الدين بلو جي نياڻي آهي، بريره بلو جو ڀاءُ محمد امير حمزه بلو اڳ ئي ڪميشن امتحان پاس ڪري پي ايس پي گروپ ۾ آهي

بريره جا سئوٽ ٻئي ڀائر عبد العليم بلو ۽ عبدالحنان بلو  پڻ پي ايس پي، سي ايس ايس پاس آفيسر آهن

Leave A Comment