| پني عاقل ۾ گهر خالي ڪرائڻ دوران ڇڪتاڻ، پوليس اٽالا واپس |
پنوعاقل (ن پ ا) پنوعاقل ۾ عدالتي حڪم تي نيو بستي کي خالي ڪرائڻ لاءِ روينيو جا عملدار پوليس جا اٽالا وٺي پھتا، ھيوي مشينري نه ھئڻ ڪري پوليس جا اٽالا ۽ روينيو عملدار واپس روانا ٿي ويا، روينيو عملدارن موجب عدالتي حڪم تي نيو بستي کي خالي ڪرائڻ لاءِ پھتا سين ھيوي مشينري نه ھئڻ ڪري واپس ٿياسين نيو بستي جو ڪيس ڪورٽ ۾ ھلندڙ ھو پٽيشنر ڌر محمد علي طرفان ڪيس کٽيو ويو آھي ان ڪري عدالت گھرن کي خالي ڪرائڻ جون ھدايتون جاري ڪيون آھن جڏھن ته نيو بستي جي متاثرن جو چوڻ آھي ته پنجاھ سالن کان ھو ويٺل آھن سڄي شھر جي صفائي به ڪن ٿا کين گھر خالي ڪرڻ ساڻس وڏي ناانصافي آھي واضح رھي ته نيو بستي ۾ 200 کان وڌيڪ گھر آھن جن ۾ ويٺلن جي اڪثريت شھر ۾ صفائي ڪندڙ عملي جي آھي جن پاران گھر خالي ڪرائڻ جي صورت ۾ شھر جي صفائي سٿرائي جي بائيڪاٽ ڪرڻ جو اشارو ڏنو ويو آھي.