جان محمد مهر جا قاتل گرفتار نه ٿيا، سڀاڻي ڊي آءِ جي آفيس آڏو ڌرڻو لڳندو

سکر (رپورٽر) شهيد سينيئر صحافي جان محمد مهر جي قتل کي هڪ هفتو گذري ويو پر مک قاتل گرفتار نه ٿي سگهيا

ايف آءِ آر  6 سڃاتل، 3 نامعلوم ۽ 7 سهولتڪارن مٿان شهيد جان محمد مهر جي ڀاءُ ڪرم الله مهر جي فرياد تي داخل ٿيل آهي

ايف آءِ آر ۾ نامزد مک جوابدار شير محمد عرف شيرو مهر، نصير، قربان، روشن، مير محمد ۽ گلزار مان هڪ به جوابدار پوليس گرفتار ڪرڻ ۾ ناڪام ٿي وئي

ستن سهولتڪارن مان ٽن سهولتڪارن بابر، بخشل عرف بخشو ۽ منور مهر گرفتار ٿيل آهن، ڪيس ۾ نامزد سهيل، محسن، جمال الدين عرف جمن کي پوليس هن وقت تائين گرفتار نه ڪري سگهي

صحافي برادري ۾ ڏک ۽ شديد ڪاوڙ واري لهر ڇانيل آهي،  سڀاڻي قاتلن ۽ انهن جي سرپرست جي گرفتاري لاءِ ڊي آءِ جي آفيس آڏو ڌرڻو هنيو ويندو

ڌرڻي ۾ صحافي، سياسي، سماجي، وڪيل برادري توڙي سول سوسائٽي طرفان وڏي انگ ۾ شرڪت ڪرڻ جو اعلان ڪيو آهي