پوليس ۾ به سياست؟ ايس ايچ او سميت بازياب 3 ڄڻا ظاهر نه ڪيا ويا

ڪشمور/گڊو(نمائندن وٽان) ڳڙهي تيغو ۾ ڌاڙيلن وٽ مغوي بڻيل ايس ايڇ او ۽ اهلڪار سوڌو 3 ڄڻا سڄو ڏينهن گذري وڃڻ باوجود ظاهر نه ڪيا ويا. گذو مان وڌيڪ هڪ ڄڻو اغوا ٿي ويو.

ذريعن موجب ايس ايڇ او گل محمد مهر جي بازيابي جي اهم ڪردار سياسي قدآور شخص معرفت ٿي آهي، پر سمورو ڏينهن گذرڻ باوجود کين ظاهر نه ڪيو ويو جنهن لاءِ ذريعن جو چوڻ آهي ته پوليس ۾ سياست جي ڪري ائين ڪيو پيو وڃي ته جيئن ڪو ٻيو اهلڪار بازيابي جو ڪريڊٽ نه کڻي وڃي.

ذريعن جو چوڻ آهي ته  ايس ايس پي تنوير تنيو رابطا ڪري راڄوڻي ۽ ٽياڪڙي ڪري ايس ايڇ او گل محمد مهر ۽ سندس ساٿين کي بازياب ڪرايو

هي به پڙهندا

. ايس ايس پي عرفان سمون سان تڪرار وڌڻ بعد تيغو خان تيغاڻي سان ايس ايس پي تنوير تُنيو فون تي رابطو ڪيو هو

ٻئي طرف گڊو واسي ڊاڪٽر منير احمد نائچ کي ڌاڙيل اغوا ڪري ويا آهن. هو واپڊا اسپتال گڊو جو ايم ايس هو.

هو ڪلينڪ تي ويٺو هو ته ڌاڙيل حملو ڪري ماڻهن کان ڦرلٽ ڪرڻ بعد ڊاڪٽر کي اغوا ڪري ويا.