پيروسڻ ويجھو شادي لاءِ ويندڙ ڄڃ مان گهوٽ، ماما ۽ نڪاح خوان کنڀجي ويا

پيروسڻ (ن پ ا) پيروسڻ محراب پور کان شادي لاءِ ويندڙ ڄڃ مان گھوٽ، نڪاح خوان مولوي ۽گهوٽ جي مامي کي پيروسڻ ٿاڻي جي حد مان مهراڻ هاء وي تان مبينه نامعلوم ويگو سوار کنڀي ويا. محراب پور مان شادي لاءِ پڪاچانگ ويندڙ ڄڃ جڏهن پيروسڻ ٿاڻي جي حد ۾ مهراڻ هاء وي تان ٻن ويگو ۾ سوار پوليس وردي پهريل هٿياربند ماڻهن گاڏين کي روڪي گھوٽ ابوبڪر شر، نڪاح پڙهائڻ وارو مولوي ياسين شر ۽ گھوٽ جو مامو نياز شر کي زبردستي پاڻ سان گڏ کڻي ويا. متاثرن موجب  اغوا ڪندڙ جديد هٿيارن سان ليس هئا ۽ پاڻ کي قانون لاڳو ڪندڙ ادارن جا اهلڪار ظاهر ڪري رهيا هئا، جنهن سبب ڪابه مزاحمت نه ٿي سگهي. واقعي بعد سڄي علائقي ۾ خوف ۽ ڏهڪاءُ پکڙجي ويو آهي.اطلاع ڏيڻ باوجود پيروسڻ پوليس واقعي کان لاعلمي جو اظهار ڪندي چيو آهي ته کين اهڙي ڪنهن به ڪارروائي بابت ڪا ڄاڻ ناهي ذريعن قانون لاڳو ڪندڙ ادارا ٽنهي کي کنڀي ويا آهن ساڳي خاندان جو هڪ نوجوان اسامه شر پڻ ٽن مهينن کان کنڀيل آهي.