پيرڳوٺ ڀرسان ڪچي ۾ هٿياربندن جو حملو، زمين ۾ ڪم ڪندڙ 2 ڄڻا مارجي ويا
نومبر 28, 2024
پيرجوڳوٺ (رپورٽ: بلاول جوڻيجو) ڪنگري جي ڪچي واري علائقي ڪيٽي ممتاز ڀٽو ۾ نامعلوم موٽر سائيڪل سوار ھٿياربندن زمين تي ڪم ڪندڙ ٻن ڄڻن کي قتل ڪري ڇڏيو، رپورٽ موجب ڪنگري جي عبدالرحمان انڙ ٿاڻي جي حد ڪچي واري علائقي ڪيٽي ممتاز ڀٽو ۾ نامعلوم موٽر سائيڪل سوار ھٿياربندن فائرنگ ڪري زمين تي ڪم ڪندڙ ٻن ڄڻن دلشاد ناريجو ۽ غلام نبي شيخ کي قتل ڪري ڇڏيو، واقعي بعد جوابدار فرار ٿي ويا، آخري اطلاعن تائين قتل ٿيلن جا لاش واقعي واري هنڌ پيل هئا، جڏهن ته عبدالرحمان انڙ پوليس واقعي واري هنڌ لاءِ رواني ٿي وئي هئي، ڊي ايس پي ڪيٽي پاڳارو نظير احمد سومرو رابطو ڪرڻ تي ٻڌايو ته اسان کي ٻن قتلن بابت اطلاع مليو آهي، جنھن بعد پوليس واقعي واري هنڌ رواني ٿي وئي آهي، وڌيڪ جاچ ڪئي پئي وڃي.
