پي سي بي سان منهنجو ڪوبه مسئلو ناهي:  جيسن گليسپي

لاهور (اسپورٽس نيوز) حيدرآباد ڪنگز مين جي هيڊ ڪوچ جيسن گليسپي چيو آهي ته پي سي بي سان ڪو مسئلو ناهي، ٽيسٽ ڪوچ جو عهدو سٺي نموني ختم ٿيو ۽ هاڻي ڪو به مسئلو ناهي.لاهور ۾ ميڊيا سان ڳالهائيندي جيسن گليسپي چيو ته تياري سٺي ٿي رهي آهي ۽ پي ايس ايل لاءِ گڏ ٿيڻ جو وقت مناسب رهيو.هن چيو ته رانديگرن جي محنت شاندار رهي آهي ۽ کيس سڀني تي فخر آهي، پي ايس ايل لاءِ پي سي بي ۽ ٻين اسٽيڪ هولڊرز جي ڪوششن کي ساراهيو.هن وڌيڪ چيو ته اميد آهي گلين ميڪسويل جلد ٽيم سان شامل ٿيندو، جڏهن ته صائم ايوب جو ڪردار واضح آهي ۽ هو بهترين رانديگر آهي.جيسن گليسپي چيو ته معاذ صداقت ٽريننگ ڪري رهيو آهي ۽ اميد آهي ته ايندڙ ميچ لاءِ دستياب هوندو، ڪوئيٽا خلاف بهترين ڪامبينيشن ميدان ۾ لاٿو ويندو.هن چيو ته رانديگر مختلف فارميٽن کي ترجيح ڏين ٿا ۽ خاص ڪري فاسٽ بالر لاءِ ٽئي فارميٽن کيڏڻ ڏکيو ٿي ويو آهي.