پ پ پاران ٽنڊو باگو ٽائون لاءِ مخصوص سيٽن جا اميدوار چيئرمين ۽ وائيس چيئرمين نامزد: جيالا مايوس

ٽنڊوباگو (رپورٽ: انور عباسي) ٽائون ڪاميٽي ٽنڊوباگو جي چيئرمين شپ لاءِ پيپلزپارٽي جي قيادت چونڊيل ڪائونسلرن بدران مخصوص سيٽن لاءِ درخواستون ڏيندڙ اميدوارن محمد اسلم خواجا کي چيئرمين ۽ مير علي حيدر ٽالپر کي وائيس چيئرمين نامزد ڪيو ويو آهي

 پيپلزپارٽي قيادت جي اهڙي فيصلي تي ٽائون ڪاميٽي ٽنڊوباگو جي9 وارڊن تان ڪامياب ٿيل ڪائونسلر ناراض نظر اچي رهيا آهن جيالن ۾ به مايوسي ڦھلجي وئي آهي

چيئرمين ۽ وائيس چيئرمين جا عهدا حاصل ڪرڻ لاءِ پيپلزپارٽي جي ٽن گروپن ۾ رساڪشي جاري هئي، جنهن کي ختم ڪرڻ لاءِ پارٽي قيادت وچون رستو اختيار ڪندي مخصوص سيٽن لاءِ درخواستون ڏيندڙ اميدوارن کي چيئرمين ۽ وائيس چيئرمين جا عهدا ڏئي ڇڏيا آهن

 ذريعن وٽان معلوم ٿيو آهي ته ٽائون جي اڳوڻي چيئرمين خان صاحب جمالي کي ٻيهر ٽائون چيئرمين بڻائڻ بجائي سندس والد پيپلزپارٽي ضلعي بدين جي جنرل سيڪريٽري حاجي سائين بخش جمالي کي ضلعي ڪائونسل بدين جي وائيس چيئرمين لاءِ نامزد ڪيو ويو آهي

 اڳوڻي صوبائي وزير سيد علي بخش شاهه عرف پپو شاھ جي پٽ سڪندر علي شاهه جيڪو پڻ ٽائون ڪميٽي ٽنڊوباگو جي چيئرمين لاءِ اميدوار هو ان کي به چيئرمين لاءِ نامزد نه ڪيو ويو آهي